ឯកឧត្តម អ៊ុំ រាត្រី ប្រធានគណៈកម្មាធិការគណបក្សខេត្តបន្ទាយមានជ័យ និងជាប្រធានក្រុមការងារយុវជនគណបក្សខេត្ត បានអញ្ជើញជួបសំណេះសំណាលជាមួយថ្នាក់ដឹកនាំ សមាជិក សមាជិកក្រុមការងារយុវជនគណបក្សក្រុងសិរីសោភ័ណ និងសកម្មជន យុវជនភូមិ/សង្កាត់ទាំង ៧ ក្នុងក្រុងសិរីសោភ័ណ !!!!!!
ឯកឧត្តម អ៊ុំ រាត្រី ប្រធានគណៈកម្មាធិការគណបក្សខេត្តបន្ទាយមានជ័យ និងជាប្រធានក្រុមការងារយុវជនគណបក្សខេត្ត បានអញ្ជើញជួបសំណេះសំណាលជាមួយថ្នាក់ដឹកនាំ សមាជិក សមាជិកក្រុមការងារយុវជនគណបក្សក្រុងសិរីសោភ័ណ និងសកម្មជន យុវជនភូមិ/សង្កាត់ទាំង ៧ ក្នុងក្រុងសិរីសោភ័ណ !!!!!!
ដោយ៖ លោក សេង វិសាល
ចេញ ផ្សាយ ថ្ងៃ ចន្ទ ៩ រោច ខែ ចេត្រ ឆ្នាំ ខាល ចត្វាស័ក ព.ស. ២៥៦៥ ត្រូវ នឹង ថ្ងៃទី ២៥ ខែ មេសា ឆ្នាំ ២០២២
ព័ត៌មានជាតិ
ខេត្តបន្ទាយមានជ័យ:
ឯកឧត្តម អ៊ុំ រាត្រី ប្រធានគណៈកម្មាធិការគណបក្សខេត្តបន្ទាយមានជ័យ និងជាប្រធានក្រុមការងារយុវជនគណបក្សខេត្ត បានអញ្ជើញជួបសំណេះសំណាលជាមួយថ្នាក់ដឹកនាំ សមាជិក សមាជិកក្រុមការងារយុវជនគណបក្សក្រុងសិរីសោភ័ណ និងសកម្មជន យុវជនភូមិ/សង្កាត់ទាំង ៧ ក្នុងក្រុងសិរីសោភ័ណ នៅទីស្នាក់ការគណបក្សខេត្តបន្ទាយមានជ័យ នារសៀលថ្ងៃទី២៥ មេសា ២០២២ ដើម្បីត្រៀមចូលរួមសម្រាប់ការបោះឆ្នោតជ្រើសរើសក្រុមប្រឹក្សាឃុំសង្កាត់អាណត្តិទី៥ ឆ្នាំ២០២២ ។
ឯកឧត្តម អ៊ុំ រាត្រី ប្រធានក្រុមការងារ យុវជនគណបក្សខេត្ត បានថ្លែងការកោតសរសើ និងវាយតម្លៃខ្ពស់ចំពោះកិច្ចខិតខំប្រឹងប្រែងរបស់ក្រុមការងារយុវជនគណបក្សគ្រប់ថ្នាក់ សកម្មជន យុវជនសង្កាត់ ភូមិទាំងអស់ដែលបានចូលរួមយ៉ាងសកម្មក្នុងកិច្ចការងារសង្គម មនុស្សធម៌ និងការងារគណបក្សជាស្នលដឹកនាំ ។
ជាមួយគ្នានោះ ឯកឧត្តម អ៊ុំ រាត្រី បានជម្រុញដល់ក្រុមការងារយុវជនក្រុង និងក្រុមការងារយុវជន សកម្មជនឃុំសង្កាត់ទាំងអស់ បន្តសកម្មភាពជាសេនាធិការជូនគណបក្សគ្រប់ថ្នាក់ ដើម្បីធ្វើសកម្មភាពចូលរួមដោះស្រាយបញ្ហាប្រឈមផ្សេងៗ បន្តធ្វើអំពើល្អ សកម្មភាពមនុស្សធម៌ គ្រប់កាលៈទេសៈ ក្នុងយុទ្ធនាការឈានឆ្ពោះទៅកាន់ការជ្រើសរើសក្រុមប្រឹក្សាឃុំសង្កាត់អាណត្តិទី៥ ឆ្នាំ២០២២ នាពេលឆាប់ខាងមុខនេះ។
ឯកឧត្តម ក៏បានផ្តាំផ្ញើដល់យុវជនទាំងអស់ត្រូវ ចូលរួមជួយសកម្មភាពក្នុងមូលដ្ឋាន និងត្រូវជួយផ្សព្វផ្សាយនូវសមិទ្ធផលរបស់រាជរដ្ឋាភិបាល ដើម្បីបន្តថែរក្សាឲ្យបាននូវសុខសន្តិភាពដែលមានមកដល់បច្ចុប្បន្ន៕
ដោយះ មជ្ឈមណ្ឌល ព័ត៌មាន ឈុន ពេជ្រ ជាយដែន
