ឯកឧត្តម ឧត្តមសេនីយ៍ទោ សំ ភ័ស្ស មេបញ្ជាការ បញ្ជាការដ្ឋានជាតិកម្លាំងពិសេសប្រឆាំងភេរវកម្ម“បរិច្ចាគឈាមម្នាក់ ជួយជីវិតម្នាក់” !!!!!
ឯកឧត្តម ឧត្តមសេនីយ៍ទោ សំ ភ័ស្ស មេបញ្ជាការ បញ្ជាការដ្ឋានជាតិកម្លាំងពិសេសប្រឆាំងភេរវកម្ម“បរិច្ចាគឈាមម្នាក់ ជួយជីវិតម្នាក់” !!!!!
ដោយះ លោក សោ សិលា
ចេញផ្សាយ ថ្ងៃ សៅរ៍ ៧កើត ខែ ផល្គុន ឆ្នាំ ថោះ បញ្ចស័ក ព.ស.២៥៦៧ ត្រូវនឹង ថ្ងៃទី ១៦ ខែ មិនា ឆ្នាំ ២០២៤
រាជធានីភ្នំពេញ៖
នៅព្រឹកថ្ងៃទី១៨ ខែមីនា ឆ្នាំ២០២៤នេះ យោធិន អង្គភាពបញ្ជាការដ្ឋានជាតិកម្លាំងពិសេសប្រឆាំងភេរវកម្ម បានធ្វើការបរិច្ចាគឈាមដោយស្ម័គ្រចិត្ត ប្រកបទៅដោយកាយវិការមនុស្សធម៌ ផ្តល់ជូនមជ្ឈមណ្ឌលជាតិផ្ដល់ឈាម ក្រោមប្រធានបទ “បរិច្ចាគឈាមម្នាក់ ជួយជីវិតម្នាក់” ក្រោមអធិបតីភាពដ៏ខ្ពង់ខ្ពស់ ឯកឧត្តម ឧត្តមសេនីយ៍ទោ សំ ភ័ស្ស មេបញ្ជាការ បញ្ជាការដ្ឋានជាតិកម្លាំងពិសេសប្រឆាំងភេរវកម្ម។
ឯកឧត្តម ឧត្តមសេនីយ៍ទោ សំ ភ័ស្ស បានបញ្ជាក់ថា នេះជាមោទនភាពមួយរបស់យោធិននៅក្នុងអង្គភាពបញ្ជាការដ្ឋានជាតិកម្លាំងពិសេសប្រឆាំងភេរវកម្ម ដែលចូលរួមធ្វើសកម្មភាពមនុស្សធម៌ក្រៅពីការបំពេញភារកិច្ចស្នូលក្នុងការបម្រើជាតិមាតុភូមិ ការពារសុខសុវត្ថិភាពជូនថ្នាក់ដឹកនាំជាតិ និងអន្តរជាតិ ក៏បានចូលរួមយ៉ាងសកម្មក្នុងសកម្មភាពសង្គមប្រកបដោយអត្ថប្រយោជន៍នៅពេលនេះ។ យោធិនម្នាក់ៗ យល់ឃើញថាកងទ័ព កេីតចេញពីប្រជាជន បុព្វហេតុគ្រប់យ៉ាង គឺដើម្បីប្រជាជន ជាក់ស្ដែងពេលនេះ នាយទាហាន នាយទាហានរង និងពលទាហាន បានស្ម័គ្រចិត្តធ្វើការបរិច្ចាគឈាមប្រកបទៅដោយកាយវិការមនុស្សធម៌ សបញ្ជាក់ឲ្យឃើញថា កងកម្លាំងកំពុងជួយការពារអាយុជីវិតប្រជាជន និងជួយទៅដល់ជនងាយរងគ្រោះ ដែលកំពុងត្រូវការឈាម នៅតាមបណ្តាមន្ទីរពេទ្យនានា។
សកម្មភាពនេះ ក៏បានដើរស្របតាមគោលនយោបាយរបស់រាជរដ្ឋាភិបាល ដែលមានសម្តេចមហាបវរធិបតី ហ៊ុន ម៉ាណែត ជានាយករដ្ឋមន្ត្រី នៃព្រះរាជាណាចក្រកម្ពុជា ដែលបានយកចិត្តទុកដាក់លើកកម្ពស់វិស័យសុខាភិបាល និងសុខមាលភាពរបស់ប្រជាជនកម្ពុជាទូទាំងប្រទេស ក្នុងគោលដៅយុទ្ធសាស្រ្តរបស់ រាជរដ្ឋាភិបាល នីតិកាលទី៧ គឺបន្តអនុវត្តផែនការយុទ្ធសាស្ត្រវិស័យសុខាភិបាល សំដៅលើកកម្ពស់ សុខុមាលភាព និងអាហារូបត្ថម្ភ ដល់ប្រជាជនកម្ពុជាទូទាំងប្រទេស តាមរយៈការពង្រឹង នឹងពង្រីកសេវាសុខាភិបាល ប្រកបដោយគុណភាព និងប្រសិទ្ធភាពខ្ពស់។
សូមបញ្ជាក់ ការបិច្ចាគឈាមពេលនេះ ជាលើកទី៩ ហើយដែលអង្គភាពបញ្ជាការដ្ឋានជាតិកម្លាំងពិសេសប្រឆាំងភេរវកម្ម បានធ្វើការបរិច្ចាគឈាម ជូនមជ្ឈមណ្ឌលជាតិផ្ដល់ឈាម ដើម្បីជួយសង្គ្រោះដល់ប្រជាពលរដ្ឋដែលងាយរងគ្រោះ គិតជាសរុបបានចំនួន ២២៦ ប្លោកឈាម៕
ដោយ៖ សមាគមសារព័ត៌មាន ឈុន ពេជ្រ ជាយដែន
https://www.vnc-news.com/
